لالچ کا انجام: ایک سبق آموز کہانی جو آپ کی زندگی بد دے


سبق آموز کہانی: لالچ کا انجام


کہتے ہیں کہ ایک بادشاہ نے خوش ہو کر ایک شخص کو انعام دینے کا فیصلہ کیا۔ بادشاہ نے کہا:

"تمہیں اختیار ہے کہ سورج غروب ہونے تک جتنی زمین کا دائرہ مکمل کر لو گے، وہ ساری زمین تمہاری ہوگی۔ لیکن اگر سورج غروب ہونے سے پہلے دائرہ مکمل نہ کر سکے تو تمہیں کچھ نہیں ملے گا!"


یہ سن کر وہ شخص بے حد خوش ہوا اور فوراً دوڑ پڑا۔ اس کی آنکھوں میں وسیع زمین کا خواب چمک رہا تھا۔ وہ تیزی سے چلتا رہا، زمین پر نشان لگاتا رہا اور سوچتا رہا کہ جتنا آگے جا سکتا ہوں، جاؤں تاکہ زیادہ سے زیادہ زمین حاصل کر سکوں۔


دوپہر کی اذان ہوئی تو اس کے دل میں خیال آیا کہ اب واپسی کا سفر شروع کرنا چاہیے، مگر پھر لالچ آڑے آ گئی۔ "تھوڑی سی اور زمین لے لوں، پھر پلٹوں گا!" اس نے خود کو تسلی دی اور آگے بڑھتا گیا۔


واپسی کا خیال بار بار آتا، مگر پھر سامنے ایک دلکش پہاڑ دکھائی دیا۔ "یہ پہاڑ بھی میری جاگیر میں ہونا چاہیے!" اس نے سوچا اور آگے بڑھ گیا۔ مگر یہ اضافی سفر اس کے لیے نقصان دہ ثابت ہوا۔


اب سورج مغرب کی طرف جھکنے لگا تھا۔ اس نے واپسی کی راہ لی، لیکن اب لگتا تھا جیسے سورج بھی اس کے ساتھ مسابقت کر رہا ہے۔ وہ جتنا تیز چلتا، سورج اتنی ہی تیزی سے ڈھلتا نظر آتا۔ جیسے جیسے عصر کا وقت ہوا، سورج مزید جھکنے لگا۔ وہ دوڑنے لگا، اس کے قدم لرزنے لگے، سانسیں پھولنے لگیں، دل زور زور سے دھڑکنے لگا۔ مگر اسے اپنے لالچ کا انجام نظر آ رہا تھا۔


"کاش! میں وقت پر پلٹ جاتا، کاش! میں اتنا لالچی نہ ہوتا!" وہ حسرت بھری سوچوں میں دوڑتا گیا۔


آخری لمحہ آیا، سورج کی آخری کرنیں زمین کو الوداع کہہ رہی تھیں، اور وہ شخص بھی اپنی آخری سانسیں لے رہا تھا۔ سورج غروب ہوا، اور وہ زمین پر گر پڑا۔ اس کا سر اس جگہ پڑا جہاں سے اس نے سفر شروع کیا تھا، اور اس کے پاؤں اس دائرے کو مکمل کر رہے تھے جسے وہ مکمل کرنے نکلا تھا۔


بادشاہ کے حکم پر اسی جگہ اس کی قبر بنا دی گئی، اور قبر کے کتبے پر لکھا گیا:

"اس شخص کی اصل ضرورت صرف اتنی زمین تھی جتنی اس کی قبر نے گھیر رکھی ہے!"


اللہ تعالیٰ نے قرآن میں فرمایا:

وَالْعَصْرِ إِنَّ الْإِنسَانَ لَفِي خُسْرٍ

"زمانے کی قسم! بے شک انسان خسارے میں ہے۔"


آج ہماری زندگیاں بھی ایسی ہی ہیں۔ ہم دنیا کے پیچھے بھاگ رہے ہیں، خواہشات کے دائرے بناتے جا رہے ہیں، مگر اصل حقیقت یہی ہے کہ ہمیں آخر میں صرف چند گز زمین ہی ملے گی۔


کیا ہم واپسی کا راستہ اختیار کریں گے؟ کیا ہم اپنی آخرت کی تیاری کریں گے؟


اللہ ہمیں عقل عطا فرمائے اور خاتمہ بالخیر نصیب کرے۔ آمین

تبصرے

ایک تبصرہ شائع کریں

اس بلاگ سے مقبول پوسٹس

روحانی سکون کی تلاش: ایک متاثر کن اسلامی کہانی جو دل کو چھو جائے

تصویر
 روحانی سکون کی تلاش: ایک ایسی کہانی جو دل کو چھو جائے دنیا کی رنگینیوں اور کامیابیوں کے باوجود، کبھی کبھی دل کے کسی کونے میں ایک عجیب سی خالی جگہ رہ جاتی ہے۔ ایسا ہی ایک نوجوان تھا علی، جو سب کچھ پا کر بھی سکون سے محروم تھا۔ وہ ایک خوبصورت اور پُرسکون گاؤں میں رہتا تھا—جہاں پرندوں کی چہچہاہٹ، درختوں کی سرسراہٹ، اور فضا کی خاموشی بھی ایک دھن سی لگتی تھی۔ مگر علی کا دل بے چین تھا۔ خالی دل، بھرا ہوا جہاں علی نے دنیا کی ہر نعمت حاصل کی تھی—دولت، شہرت، عزت، ہر چیز۔ لیکن پھر بھی دل میں ایک خلا تھا، ایک تشنگی تھی۔ وہ اکثر خود سے پوچھتا: "میرا سکون کہاں ہے؟" تلاش کا پہلا قدم: ظاہری دنیا سے باطنی سفر کی طرف علی نے سکون کی تلاش میں بڑے شہر دیکھے، محفلوں میں بیٹھا، تنہا باغات میں وقت گزارا، لیکن ہر بار دل ویسا ہی خالی رہا۔ ایک دن، دل کی شدت نے اسے مجبور کیا کہ وہ اپنے گاؤں کے بزرگ استاد کے پاس جائے—ایک ایسا شخص جس کی آنکھوں میں گہرائی اور چہرے پر نور تھا۔ علی نے دل کی بات کہی: "استاد محترم! میں نے سب کچھ پا لیا ہے، لیکن سکون نہیں ملا۔ آخر یہ سکون ملتا کہاں ہے؟" استاد کی حکمت ...
مزید پڑھیں

"بے ایمانی کا انجام: ایک سبق آموز کہانی جو آپ کی سوچ بدل دے گی"

 بے ایمان کون؟ ایک سبق آموز کہانی ایک گاؤں میں ایک غریب کسان اپنی بیوی کے ساتھ سادہ زندگی بسر کر رہا تھا۔ ان کی روزی کا ذریعہ دودھ، مکھن اور دیگر دیہی پیداوار تھے، جو وہ شہر میں جا کر فروخت کرتا تھا۔ کسان کی بیوی بڑی محنت سے گائے کا دودھ دوہتی، اس سے مکھن تیار کرتی، اور کسان اسے بازار لے جا کر بیچ دیتا۔ ایمانداری کا امتحان ایک دن کسان نے حسب معمول بیوی کے تیار کردہ مکھن کے گول پیڑے لیے اور شہر کے ایک دکان دار کے پاس جا پہنچا۔ وہ دکان دار ہر ہفتے کسان سے مکھن خریدتا تھا اور بدلے میں چائے، چینی، تیل اور صابن وغیرہ دے دیتا تھا۔ یہ مکھن کے پیڑے وزن میں ایک کلو ہونے چاہیے تھے، لیکن اس دن اچانک دکاندار کو خیال آیا کہ کیوں نہ وزن کر کے دیکھوں۔ جیسے ہی اس نے ایک پیڑے کو ترازو پر رکھا، وہ حیران رہ گیا— پیڑا 900 گرام کا نکلا! اس نے فوراً باقی تمام پیڑے بھی تول ڈالے، اور سب کے سب 900 گرام کے نکلے۔ دکاندار کو شدید غصہ آیا۔ اس نے دل میں سوچا، "یہ کسان تو بڑا بے ایمان نکلا! ہر بار مجھ سے ایک کلو کا دام لیتا ہے، مگر دیتا صرف 900 گرام ہے!" کسان پر دھوکہ دہی کا الزام اگلے ہفتے جب کسان حسب معم...
مزید پڑھیں